Aspaldiko! Abandonatuta izan dut bloga azkeneko hilabeteotan. Lan-kontuak medio, liatuta ibili naiz. Urte askotan beste kontu batzuetan lanean ibili ondoren, irakasle langabetua naiz orain eta ordezkapenak egiten ditut; hasierak beti zailak izaten dira, gauza berri asko, ikasle berriak, irakasgai berriak, ba orain hasiera fase horietan egotea tokatzen zait, eta pozik gainera!
Gaurkoan Puntuan argitaratutako errezeta batekin natorkizue. Errezeta erraza izateaz gain, familian egiteko aproposa da.
Marrubizko Petit-Suisseak
Osagaiak
- 350 g marrubi
- 200 g esne-gain (%35 MG)
- 300 g gazta (Philadelphia motakoa)
- 150 g azukre
Prestaketa
1. MARRUBIAK GARBITU ETA BIRRINDU
Garbitu marrubiak eta birrindu esne-gainarekin batera
2. NAHASTU ETA BEROTU
Lapiko batean berotu marrubi/esne-gain nahasketa
azukrearekin batera. Oso bero dagoenean (irakitera iritsi gabe) gehitu gazta
eta ongi nahastu guztiz integratuta egon arte.
3. BETE EDALONTZIAK
Bete edalontziak egindako nahasketarekin, estali film
gardena edo albalarekin eta utzi epeltzen.
4. SARTU HOZKAILURA
Ordu batzuez hozkailura sartu (hobeto egun batetik bestera)
iruzkinik ez:
Argitaratu iruzkina